المندوب مشي وأخد العملاء معاه: إزاي تخلّي عملاء شركتك العقارية يفضلوا مع الشركة

القصة اللي بتتكرر في كل شركة تسويق عقاري

المندوب شاطر، بيجيب عملاء، وكل حاجة في واتسابه. بعد سنة يسيب الشركة، أو يفتح لنفسه، والعملاء اللي الشركة دفعت إعلانات عشان تجيبهم بيروحوا معاه. مش لأنه سرقهم، لأن الشركة أصلًا ماكانش عندها نسخة منهم.

العميل ملك مين؟

العميل ملك الشركة لو مسجّل على الشركة: اسمه، رقمه، إيه اللي بيدوّر عليه، المعاينات اللي حضرها، المكالمات اللي اتعملت معاه، ومين المندوب اللي شايله دلوقتي. لو الداتا دي في فون المندوب بس، العميل ملك المندوب مهما كان مكتوب في العقد.

٤ حاجات تعملها من النهارده

١. كل عميل جديد يتسجّل على الشركة قبل أي مكالمة.

المصدر (إعلان، صفحة، ترشيح)، والاهتمام (شقة، فيلا، تجاري)، والميزانية.

٢. كل مكالمة ومعاينة تتسجّل بنتيجتها.

مش «كلمته». كلمته وقال إيه، والخطوة الجاية إمتى.

٣. قايمة مكالمات يومية لكل مندوب تخرج من السيستم.

المندوب يفتح موبايله الصبح يلاقي مين يكلّم النهارده ومين معاده فات. والمدير يشوف مين اشتغل فعلًا.

٤. الوحدات بحالتها الحقيقية.

متاحة، محجوزة، مباعة. عشان مايحصلش إن مندوبين يبيعوا نفس الوحدة، ولا عميل يتعرض عليه وحدة اتباعت من أسبوع.

لما المندوب يمشي

بتعمل حاجة واحدة: تنقل عملاءه لمندوب تاني بضغطة. التاريخ كله موجود، والعميل الجديد يكمّل من حيث انتهى القديم. العميل يفضل، والمندوب يمشي بالسلامة.

على مضمونة

برنامج إدارة العقارات على مضمونة فيه CRM للعملاء والمعاينات، قايمة مكالمات يومية لكل مندوب، الوحدات بحالتها، والتحصيل والأقساط. كل عميل مسجّل على الشركة مش على المندوب. برنامج الإدارة كامل بـ١٠٠٠ ج بدل كتير، لعدد محدود من الحسابات.

ضيف شركتك في دقيقتين · برنامج العقارات